Yolu qadağan edilmiş yerdən keçən piyada özünü maşının qarşısına atdı - VİDEO

Bakıda yol hərəkəti qaydasını pozan piyadanın təhlükə saçan hərəkəti anbaan kameraya düşüb. Avtosfer.az xəbər verir ki, hadisə paytaxtın Mikayıl Müşfiq küçəsində (Qurd Qapısının yaxınlığında) qeydə alınıb.

Belə ki, yolu müəyyən olunmayan yerdən keçən piyada özünü qəfildən hərəkət edən avtomobilin qarşısına atıb. Sürücü vaxtında reaksiya verdiyi üçün hadisə qəzasız nəticələnib.

Hadisəni izləyən digər sürücü həmin piyadaya yaxınlaşaraq iradını bildirib. Piyada isə ilk dəfədir belə etdiyini qeyd edərək özünə haqq qazandırmağa çalışıb.

Sözügedən videonu təqdim edirik.

Könül Rauf