Yolu telefona baxaraq keçən piyada sürücüyə hələ irad da bildirdi - VİDEO

Paytaxtın Ziya Bünyadov və Heydər Əliyev prospektlərinin kəsişməsində (“Koroğlu” metrosu yaxınlığında) qayda pozan piyadalar avtomobilin videoregistratoruna düşüb.

Avtosfer.az-ın məlumatına görə, hadisə noyabrın 17-də saat 13:08 radələrində qeydə alınıb. Kadrdan görünür ki, yolu təyin olunmamış yerdən keçən piyadalar həm özlərini, həm də sürücüləri təhlükəyə atıblar. Hətta keçiddən istifadə etməyən gənc oğlan hərəkətdə olan avtomobillərə əhəmiyyət verməyərək mobil telefonla məşğul halda yolu keçib. Görüntünü qeydə alan sürücü siqnal verərək piyadaya xəbərdarlıq edib. Lakin o, törətdiyi xətanı başa düşmək əvəzinə əliylə sürücüyə irad bildirib.

Qeyd edək ki, sözügedən ərazidə keçid mövcuddur. Buna baxmayaraq piyadalar mütəmadi olaraq qayda pozurlar. 

Nərmin