Yolu zibilləyən taksi sürücüsünün hərəkətləri kameraya düşdü - VİDEO

Yola siqaret atan sürücünün görüntüləri arxadan gələn avtomobildəki kameraya düşüb. Avtosfer.az xəbər verir ki, hadisə oktyabrın 13-də, Bakı-Sumqayıt yolunda qeydə alınıb.

Belə ki, taksi fəaliyyəti ilə məşğul olan 99-NV-457 qeydiyyat nişanlı "KIA" markalı avtomobilin sürücüsü çəkdiyi siqaretin kötüyünü bayıra ataraq yolu zibilləyib. Bu əmələ görə, İnzibati Xətalar Məcəlləsinin 327.1-ci maddəsilə 40 manat məbləğində cərimə nəzərdə tutulub.

Qeyd edək ki, Milli Məclisin keçirilən sonuncu iclası zamanı avtomobildən bayıra hər hansı əşyanın atılmasına görə müəyyən edilmiş cərimə məbləğinin artırılması təklif olunub.

Layihəyə əsasən, yollara və ya yol qurğularına tullantı və ya nəqliyyat vasitələrindən bayıra hər hansı əşya atılmasına görə fiziki şəxslər iki yüz manat məbləğində, vəzifəli şəxslər min manat məbləğində, hüquqi şəxslər dörd min manat məbləğində cərimə ediləcək.

Qanun layihəsi səsverməyə çıxarılaraq birinci oxunuşda qəbul edilib. Qərar qüvvəyə mindikdən sonra cərimələr yeni standartlara uyğun olaraq tətbiq ediləcək.

Fərid