Yolun bu hissəsində dayananları 3 bal 60 manat cərimə gözləyir - VİDEO

Bakıda qayda pozan sürücülər yolda tıxac yaradıb. Görüntüləri Avtosfer.az">Avtosfer.az-ın baş redaktoru Elməddin Muradlı qeydə alıb. Belə ki, iyunun 21-də paytaxtın Bülbül prospektində hərəkət edən 99-UN-381, 99-ZR-807, 99-ZY-222, 99-PY-841 və 99-HR-735 qeydiyyat nişanlı avtomobillərin sürücüləri tıxac yaradacaqlarını bilə-bilə yolayrıcına daxil olublar. Sarı torun üzərində qalan sürücülər soldan - Zərifə Əliyeva küçəsindən gələn avtomobillərin hərəkətinə mane olub.

Qanunvericilikdə qeyd olunub ki, yolayrıcında, o cümlədən yolun hərəkət hissələrinin kəsişmə yerində, yaxud yolayrıcından və ya kəsişmə yerindən bilavasitə sonra tıxac yaranıbsa və bu, sürücünü dayanmağa məcbur edərək digər istiqamətlərdən nəqliyyat vasitələrinin hərəkəti üçün maneə yaradacaqsa, sürücünün belə yolayrıcına və ya 1.25 nişanlanması ilə işarələnmiş kəsişmə yerinə daxil olması qadağandır.

Qeyd edək ki, bu xətanı törədən sürücüləri 3 bal 60 manat cərimə gözləyir.

Təbriz