Yolun ortasında dayanıb maşını geriyə sürən sürücü - 77-HP-339 - VİDEO

Bakı-Sumqayıt şossesində qayda pozan sürücü videoqeydiyyatçıya düşüb.

Avtosfer.az xəbər verir ki, hadisə yanvarın 21-də saat 11:17 radələrində qeydə alınıb. Belə ki, 77-HP-339 dövlət nömrə nişanlı “Opel Astra” markalı avtomobilin sürücüsü ikinci cərgədə dayanaraq nəqliyyat vasitələrinə təhlükə yaradıb. Bununla kifayətlənməyən sürücü, maşını geriyə verərək həmin zolaqda hərəkətdə olan avtomobilə qəza şəraiti yaradıb. Görüntünü qeydə alan sürücünün sözlərinə görə, qayda pozan şəxs müştəri götürmək üçün maşını arxa-arxaya sürüb. 

Təəssüflə qeyd edək ki, sözügedən ərazidə belə xoşagəlməz hallarla tez-tez  rastlaşmaq mümkündür. Adətən “Manatlıq taksi”lər zolaqda anidən dayanaraq sürücülərin hərəkətinə əngəl törədirlər və qəza riskinə səbəb olurlar. 

Nərmin