Yolun ortasında düşən yaşlı kişi motosikletlə toqquşmaqdan son anda xilas oldu - VİDEO

Paytaxtın Qara Qarayev prospektində qayda pozan sürücülər kameraya düşüb.

Avtosfer.az-ın məlumatına görə, hadisə bir neçə gün əvvəl axşam saatlarında “Neftçilər” metrosu yaxınlığında qeydə alınıb. Kadrlardan göründüyü kimi, 10-TH-691 dövlət nömrə nişanlı “London Taxi TX4” markalı avtomobilin sürücüsü sərnişini yolun ortasında düşürüb. Bu an hərəkətdə olan motosiklet sərnişinə çırpılmaqdan son anda yayınıb.

Hadisədən sonra motosikletçi sərnişinə və sürücüyə sakit şəkildə iradını bildirib və yoluna davam edib.

Qeyd edək ki, sərnişinlərin yolun hərəkət hissəsində minməsi və düşməsi yalnız dayanacaq məntəqələrində və ya yol kənarında təhlükəsiz şəraitdə həyata keçirilməlidir. Əks halda bu hal digər hərəkət iştirakçıları üçün ciddi təhlükə yaradır.

Bununla yanaşı, qeyd olunan situasiyada motosiklet sürücüsü də qayda pozub. Qanunvericiliyə əsasən, bir zolaqda yalnız bir nəqliyyat vasitəsi hərəkət edə bilər. Motosiklet ya avtomobildən öndə, ya da arxasında hərəkət etməlidir.

Nərmin