Yolun ortasında maşından düşən sərnişin sürücüyə qəza şəraiti yaratdı - VİDEO

Taksidən düşən sərnişin motosiklet sürücüsünə təhlükə yaradıb. Avtosfer.az xəbər verir ki, hadisə paytaxt küçələrinin birində baş verib. Belə ki, 77-HB-258 qeydiyyat nişanlı “Toyota Prius” markalı avtomobilin sürücüsü sərnişini düşürmək üçün yolun hərəkət hissəsində dayanıb. Xanım sərnişin qapını açan zaman arxadan gələn motosiklet sürücüsünə qəza şəraiti yaradıb.

Xoşagəlməz  hadisənin baş verməsinin səbəbi taksi sürücüsünün düzgün yerdə dayanmaması və sərnişinin hərəkətlərinə nəzarət etməməsi olub.

“Yol hərəkəti haqqında” qanunda qeyd olunub ki, nəqliyyat vasitəsi qapılarının açılması yol hərəkətinin digər iştirakçıları üçün maneə yaradarsa, onları açmaq qadağandır.

Fərid