Yük maşınını yolun ortasına atıb hərəkəti iflic etdi - VİDEO

Bakıda yük avtomobilinin sürücüsü tərəfindən törədilən qayda pozuntusu nəqliyyatın hərəkətinə ciddi maneələr yaradıb. Avtosfer.az xəbər verir ki, hadisə dekabrın 13-də paytaxtın Əhməd Cəmil küçəsində qeydə alınıb.

Hadisə zamanı 77-JK-498 dövlət nömrə nişanlı yük avtomobilinin sürücüsü yol hərəkəti qaydalarına məhəl qoymadan ikinci cərgədə dayanıb və yolu bağlayıb. Bu məsuliyyətsizlik nəticəsində həmin zolaqla hərəkət edən sürücülər və qarşıdan gələn avtomobillər çətin vəziyyətlə üzləşiblər.

Xatırladaq ki, bu cür qayda pozuntusu İnzibati Xətalar Məcəlləsinin 346.4-cü maddəsinə əsasən cəzalandırılır. Belə ki, bu maddəyə görə, sürücüyə 2 cərimə balı və 80 manat məbləğində cərimə tətbiq olunur.

Fərid