Yük maşınının altından son anda xilas oldu – VİDEO

Bəxti gətirən motosiklet sürücüsü ağır tonnajlı yük maşının altında qalmaqdan son anda xilas olub. Avtosfer.az atv.az-a istinadən bildirir ki, Çinin  Futzyan vilayətində daha bir yol qəza hadisəsi ortaya dəhşətli mənzərə çıxarıb. Müşahidə kameralarına düşən kadrlarda, ölümün pəncəsində olan bir sürücünün necə sağ qaldığı əksini tapır.

Yol ayrıcında qarşsına minik avtomobili çıxan yük maşınının sürücüsü qəzadan yayınmaq üçün manevr etməli olub. Bu vaxt irəlidə motosikletin hərəkətdə olduğunu görən sürücü, motosikletçini vurmamaq üçün  sükanı fırlamalı olub. Ağır  texnika yüklə dolu olduğundan, maşın sərt dönüşə davam gətirməyərək aşıb. Qəzadan sovuşan  motosiklet sürücüsü bu dəfə də yük maşınının altında əzilmək təhlükəsi ilə üzləşib.

Xoşbəxtlikdən motosikletçi qəzadan yayına bilib. Aşan  texnikanın dağılan yükü yolda nəqliyyatın hərəkətini məhdudlaşdırıb. Ərazi qumdan təmizləndikdən sonra maşınların hərəkəti bərpa edilib.