Yük maşınları yollarda təhlükə yaradırlar - VİDEO

Yük maşını kuzovundakı daş  üstü örtülmədən daşınır. İstənilən an daşın düşməsi qəza şəraiti yarada bilər. Telefonla çəkilən görüntülər yükdaşıma qaydalarına əməl edilib - edilməməsi məsələsini  aktuallaşdırır. İstər yol hərəkəti haqqında qanun, istərsə də İnzibati Xətalar Məcəlləsində bu məsələ birmənalı şərh edilir.

Bu formada yükün daşınması əsl təhlükədir. Çünki adi diqqətsizlik zamanı həm yol təsərrüfatına, həm də digər avtomobillərə ziyan dəyə bilər. Apardığımız sorğu onu göstərdi ki, sürücülər daşıdıqları yükün üstünü bağlamağa meylli deyillər. Onlar bunu elə də təhlükəli hesab etmirlər.

Belə məsuliyyətsiz sürücülərə qarşı sərt cəza tədbirləri görüləcək. Bu qaydanı pozanlara qarşı cərimələr nəzərdə tutulub.

Baş Dövlət Yol Polisi İdarəsindən isə bildirilib ki, aşkar edilən belə sürücülər əvvəlcə cərimə olunur, daha sonra isə yükün üstü bağlandıqdan sonra onların hərəkətinə icazə verilir.