Ziya Bünyadovda “Mercedes”lə “oyun çıxaran” sürücü görün nələr etdi - VİDEO

Paytaxtın Ziya Bünyadov prospektində yol hərəkəti qaydalarını kobud şəkildə pozan sürücü görüntülənib.

Bu barədə izləyicilərdən biri Avtosfer.az-ın “Whatsapp” ünvanına videomaterial göndərib. Hadisə sentyabrın 30-da saat 08:52 radələrində qeydə alınıb. Videodan göründüyü kimi, 90-UQ-102 dövlət nömrə nişanlı “Mercedes” markalı avtomobilin sürücüsü əvvəlcə hərəkətdə olduğu zolaqdan sağa manevr edir. Lakin həmin zolaq boş olmadığı üçün o, iki zolağın ortasıyla hərəkət edərək digər avtomobillərə qəza şəraiti yaradır. Yolboyu israrlı davranan sürücü sol zolaqdakı “Toyota” markalı maşını dəfələrlə sıxışdırır və sonda həmin zolağa keçir. Bununla kifayətlənməyən “Mercedes” sürücüsü yenidən sağa manevr edərək iki zolağın ortasıyla hərəkətini davam etdirir. Bu vaxt “Toyota” sürücüsü onu ötüb keçir. Ardınca “Mercedes” sürücüsü sürəti artıraraq ona yaxınlaşır. 

İzləyicinin sözlərinə görə, “Mercedes” sürücüsü ona yol vermədiyi üçün “Toyota”nı yolboyu sıxışdırıb və əliylə işarə edərək onun maşını kənara çəkməsini tələb edib. Sürücü dayanmadığı halda isə o, “Toyota”ya yaxınlaşıb və sürətini azaldıb. Kadrdan da aydın olur ki, təxminən eyni sürətlə hərəkət edən sürücülər hər iki zolağı tutaraq arxadan gələn nəqliyyat vasitələrinin hərəkətini məhdudlaşdırıblar. Hadisə şahidi əlavə edib ki, sürücülər yolboyu bir-birilərini sıxışdıraraq digər hərəkət iştiraklaçılarına mane olublar. 

Nərmin