Zolağı zəbt edən “VAZ” sürücülərə qəza təhlükəsi yaratdı - VİDEO

Naxçıvanda kobud qayda pozan sürücü kameraya düşüb.
Avtosfer.az-ın məlumatına görə, hadisə yanvarın 24-ü saat 15:01 radələrində qeydə alınıb. Videodan göründüyü kimi, “VAZ-2106” markalı avtomobilin sürücüsü dayanma-durma qaydasını pozub. Belə ki, o, maşını yolun hərəkət hissəsində saxlayaraq digər nəqliyyat vasitələrinə çətinlik yaradıb. Nəticədə həmin zolaqdakı avtomobillər məcbur qalaraq digər tərəfə keçiblər. Qayda pozan sürücü isə avtomobildə olmayıb. 
Qeyd edək ki, bu xətaya görə, İnzibati Xətalar Məcəlləsinin 346.1-ci maddəsinə əsasən sürücü 20 manat cərimə ödəmək məcburiyyətindədir.

Nərmin