Zolağında hərəkət edə bilməyib xanım sürücünü borclu çıxardı - 77-NO-236 - VİDEO

Paytaxtın Məhəmməd Füzuli küçəsində qayda pozan sürücü avtomobilin videoregistratoruna düşüb.

Avtosfer.az-ın məlumatına görə, hadisə avqustun 14-də saat 08:08 radələrində qeydə alınıb. Kadrdan görünür ki, 77-NO-236 dövlət nömrə nişanlı “BYD” markalı avtomobilin sürücüsü manevr qaydasını pozub. O, hərəkətdə olduğu zolaqdan sağa keçərək görüntünü qeydə alan maşına qəza şəraiti yaradıb.

Daha sonra sürücülər arasında mübahisə yaranıb. Belə ki, təhlükəylə üzləşən xanım sürücü avtomobilə yaxınlaşaraq  “Xəbəriniz var ki, maşınımı vururdunuz?”,- deyə iradını bildirib. Lakin qayda pozan sürücü özünü haqlı çıxarmağa çalışaraq, “Sağ zolaqda nə gəzirsiniz? Mənim zolağımı zəbt etmisiniz” cavabını verib. 

Nərmin