Zolaq boş qalıb, avtobuslar solla gedir - Biabırçı mənzərə - VİDEO

Bakıda təşkil edilmiş avtobus zolağının istifadəsiz qalması ilə bağlı oxuculardan biri redaksiyamızın qaynar xəttinə müraciət edib. Avtosfer.az xəbər verir ki, söhbət paytaxtın Məhəmməd Hadi küçəsindən gedir.

Emin adlı oxucu bildirir ki, sözügedən küçədəki avtobus zolağına görə hər gün yüzlərlə sürücü tıxacda qalır. Bu zolağa daxil olan zaman kamera vasitəsi ilə 100 manat cərimə yazılmasına baxmayaraq, sözügedən istiqamətdə hərəkət edən avtobus sürücülərinin heç biri həmin zolağa daxil olmur.

Qeydə alınmış videogörüntüdən də aydın şəkildə görünür ki, bir neçə avtobus sürücüsü sol zolaqla hərəkət edərək həmin zolağı zəbt ediblər. Digər sürücülərin hərəkəti üçün isə yalnız orta zolaq qalıb.

Avtobus zolaqlarına daxil olan sürücülərə qarşı ciddi addımlar atılsa da, çox təəssüf ki, avtobus sürücülərinin zolaqla hərəkət edib-etməməsinə nəzarət demək olar ki, yoxdur.

Sözügedən videonu təqdim edirik:

Fərid