Zolaq tanımayan sürücü maşını sıxışdırıb qəza şəraiti yaratdı - VİDEO

Zolaqlar üzrə düzgün hərəkət etməyən sürücü qəza şəraiti yaradıb. Avtosfer.az xəbər verir ki, hadisə oktyabrın 12-də, paytaxtın Tbilisi prospektində baş verib. Belə ki, 50-CX-321 qeydiyyat nişanlı "Opel" markalı avtomobilin sürücüsü geriyə dönmə yerindən çıxan zaman sürətlənmə zolağından düzgün istifadə etməyib. O, sağındakı avtomobilin zolağına daxil olaraq onu sıxışdırıb. Qəza yaranacağını görən digər sürücü tormoz verərək həmin avtomobilə yol verib.

Qeyd edək ki, sözügedən ərazidə əksər sürücülər eyni səhvi edərək sağ zolaqdakı sürücülərə təhlükə yaradırlar.

Könül