Zolaqla hərəkət edə bilməyən sürücülər qəza şəraiti yaratdı - VİDEO

Sürücülərin ən çox yol verdiyi səhvlərdən biri də sərt döngələrdə zolaqla hərəkət edə bilməmələridir. Avtosfer.az xəbər verir ki, sürücülərin əksəriyyəti döngəyə daxil olarkən zolaqdan kənara çıxırlar. Yol sağa əyildikdə sağa, sola əyildikdə isə sola doğru zolaqları kəsərək hərəkət edirlər ki, bu da təhlükəli vəziyyətlərə səbəb olur.

Bu cür qayda pozuntusuna yol verən üç sürücünün görüntüsü avtomobildəki kameraya qeyd olunub. Belə ki, 77-NS-621 dövlət nömrə nişanlı "Toyota", 90-AZ-057 nömrəli "Hyundai" və 77-YV-407 nömrəli "Changan" markalı avtomobillərin sürücüləri döngədə zolaqdan çıxaraq, görüntünü qeydə alan nəqliyyat vasitəsinin sürücüsünə qəza riski yaradıblar.

Sərt döngələrdə bu qaydanın pozulması həm sürücülər, həm də digər yol iştirakçıları üçün ciddi təhlükə mənbəyidir. Bu səbəbdən sürücülərdən yol nişanlanma xəttlərinə diqqət yetirmələri xahiş olunur.

Fərid