"011" ilə "Pajero" toqquşdu - 1 nəfər yaralandı

Bu gün səhər saat 9 radələrində Bakı-Qazax avtomagistralının Tovuz rayonunun Dönük Qırıqlı kəndi ərazisindən keçən hissəsində yol qəzası baş verib. 

Avtosfer.az kəpəztv-yə istinadən xəbər verir ki, “Mitsubishi Pajero” ilə “VAZ 21 011” markalı avtomobillər toqquşub və bir nəfər xəsarət alıb. Yaralı təcili tibbi yardım maşını ilə Şəmkir Mərkəzi Rayon Xəstəxanasına aparılıb. İlkin müayinədən sonra xəstənin vəziyyətinin qənaətbəxş olduğu bildirilib. 

Faktla bağlı Baş Dövlət Yol Polisi İdarəsinin İstintaq və Təhqiqat Şöbəsində qəzanın səbəbləri, sürücülərin və yaralının kimliyi araşdırılır.