"07" işıq dirəyinə çırpıldı

Şəkinin Salman Mümtaz küçəsində yol qəza hadisəsi baş verib. Avtosfer.az "kanals"ə istinadən xəbər verir ki, Şəki rayon Bideyiz kənd sakini İsrafilov Müşfiq Kamal oğlunun idarə etdiyi  55-BD-479 dövlət nömrə nişanlı "VAZ 2101" markalı avtomobil dönmə əməliyyatını yerinə yetirərkən eyni istiqamətdən gələn Şəki sakini Nərmin Həsənova Ağaəli qızının idarə etdiyi  55-BP-839 dövlət nömrə nişanlı "VAZ 2107" markalı avtomobillə toqquşub.

Nəticədə "VAZ 2107" markalı avtomobil yoldan çıxaraq işıq dirəyinə dəyib. Ciddi xəsarət alan olmasa da, "VAZ 2107" markalı avtomobilə ciddi ziyan dəyib. Həmçinin yol kənarındakı işıq dirəyi də yararsız vəziyyətə düşüb. 

Faktla bağlı Şəki Polis Şöbəsində araşdırma aparılır.