13 yaşlı oğlanı maşın vurdu: vəziyyəti ağırdı

Gəncədə 13 yaşlı yeniyetməni maşın vurub. Avtosfer.az xəbər verir ki, bu barədə apa-nın qərb bürosunun verdiyi məlumata görə, hadisə şəhərin Heydər Əliyev prospektində qeydə alınıb. Şəhər sakini, 2003-cü il təvəllüdlü Hikmət Bağırov yaşadığı binanın qarşısında yolu keçmək istəyərkən Nicat Abdullayevin idarə etdiyi “VAZ 2107” tərəfindən vurulub. Yaralı dərhal Abbas Səhhət adına 1 saylı Xəstəxanaya yerləşdirilib. Onun vəziyyətinin orta ağır olduğu bildirilir.

Faktla bağlı Gəncə şəhər Baş Polis İdarəsində araşdırma aparılır.