20 avtomobil toqquşdu: 4 ölü, 35 yaralı 

Rumıniyanın cənubunda ağır yol-nəqliyyat hadisəsi baş verib. Qəza nəticəsində 4 nəfər həlak olub, 35 nəfər xəsarət alıb. Avtosfer.az Rusiya mətbuatına istinadən xəbər verir ki, Buxarest-Konstansa trasında, Lexliu-Qare şəhəri yaxınlığında 20 avtomobil toqquşub. Qəzaya qatı dumanın səbəb olduğu bildirilir.

Hadisə yerinə 20-dən çox təcili yardım maşını cəlb olunub. Tibb işçiləri xəsarət alan 30-dan çox şəxsə kömək göstəriblər. Yaralılardan bir neçəsinin vəziyyəti ağırdır. 

Qəza səbəbindən yolda nəqliyyatın hərəkəti dayandırılıb.