30 avtomobil toqquşdu - Duman səbəbindən

Polşanın Lodz şəhəri yaxınlığında 30 avtomobilin bir-birinə toqquşması nəticəsində zəncirvari qəza baş verib. Avtosfer.az trend-ə istinadən xəbər verir ki, hadisə nəticəsində bir neçə nəfər xəsarət alıb. Azı 3 nəfərin vəziyyəti ağır qiymətləndirilir. Yerli polis qəza baş verən zaman havanın dumanlı olduğunu bildirib. Əvvəlcə yük maşını öndəki maşına çırpılıb. Bundan sonra isə “domino effektli” qəza qeydə alınıb. Hadisə yerinə təcili tibbi yardım maşınları və iki helikopter cəlb edilib.