34 yaşlı qadını maşın vurdu - Bakıda

Bakının Nərimanov rayonunda piyadanın vurulması ilə nəticələnən yol qəzası baş verib. Avtosfer.az musavat.com-a istinadən xəbər verir ki, Heydər Əliyev prospektində yolu keçmək istəyən 34 yaşlı Xəyalə İmanəli qızı Kərimovanı avtomobil vurub. Sürücü ağır xəsarətlər alan piyadanı xəstəxanaya çatdırıb. 

Faktla bağlı hüquq-mühafizə orqanları tərəfindən araşdırmalara başlanılıb. Sürücü ifadəsinin alınması üçün Nərimanov Rayon Polis İdarəsinə aparılıb. Polis sürücünün adını açıqlamır. 

Qeyd edək ki, hadisə “Bağırov körpüsü”nün yaxınlığında, piyada keçidinin olmadığı ərazidə baş verib.