4 yaşlı oğlan qəzada öldü, anası və dayısı ağır xəsarət alıb - Ağdaşda

Ağdaş rayonunda baş verən yol-nəqliyyat hadisəsində xəsarət alan 4 nəfərdən biri ölüb. Avtosfer.az-ın APA-ya istinadən xəbərinə görə, ötən gün Ağdaş-Qəbələ avtomobil yolunun 8-ci kilometrliyində “QazEL” markalı yük maşını ilə “VAZ - 2107” markalı minik avtomobili toqquşub. Nəticədə sürücü, Yevlax sakini, 1994-cü il təvəllüdlü Bəhruz Bəşirli, Qəbələ sakinləri olan sərnişinlər, 1993-cü il təvəllüdlü Tural Şükürov, onun bacısı, 1991-ci il təvəllüdlü Güldanə Məhərrəmova və bacısının oğlu, 2013-cü il təvəllüdlü Yusif Məhərrəmov müxtəlif dərəcəli bədən xəsarətləri alıblar. Ağdaş rayon Mərkəzi Xəstəxanasının reanimasiya şöbəsinə çatdırılan şəxslərdən Yusif Məhərrəmovun həyatını xilas etmək mümkün olmayıb, digərlərinin vəziyyəti ağırdır. Faktla bağlı Ağdaş rayon Polis Şöbəsi tərəfindən araşdırma aparılır.