45 yaşlı kişini avtomobil vurdu - Tovuzda

Tovuzda piyadanı avtomobil vurub. Avtosfer.az-ın apa-ya verdiyi məlumata görə, hadisə rayonun Əlimərfanlı kəndində qeydə alınıb. Kənd sakini, 1972-ci il təvəllüdlü Fikrət Əliyev yolu keçmək istəyərkən hərəkətdə olan avtomobillə vurulub. Yaralı Tovuz rayon Mərkəzi xəstəxanaya yerləşdirilib. Ona qapalı kəllə beyin travması diaqnozu qoyulub. Faktla bağlı Tovuz rayon Polis Şöbəsində araşdırma aparılır.