54 yaşlı kişi avtomobillə vuruldu - Zaqatalada

Zaqatalada 54 yaşlı piyada maşınla vurulub. Avtosfer.az xəbər verir ki, bu barədə Zaqatala rayon Polis Şöbəsindən apa-ya istinadən xəbər verir ki, Əliabad qəsəbə sakini, 1992-ci il təvəllüdlü Tural Sadəddin oğlu Həsrətov idarə etdiyi “VAZ 2106” markalı 10 EJ 985 dövlət nömrə nişanlı avtomobillə rayonun Əliabad-Mosul yolunda piyada, Əliabad qəsəbə sakini, 1962-ci il təvəllüdlü Musa Bulad oğlu Hacımuradovu vurub. Müxtəlif dərəcəli bədən xəsarəti olan Musa Hacımuradov Zaqatala Mərkəzi Rayon Xəstəxanasına (MRX) aparılıb. Xəstəxanadan APA-ya bildirilib ki, Musa Hacımuradova lazımi tibbi yardım göstərildikdən sonra müayinə və müalicəsini davam etdirmək üçün Bakı şəhərindəki xəstəxanalardan birinə göndərilib.

Faktla bağlı Zaqatala RPŞ-də araşdırma aparılır.