55 yaşlı kişi avtobusdan yıxıldı - Bakıda

Bakının Sabunçu rayonunda 55 yaşlı kişi avtobusdan düşmək istəyərkən yıxılıb. Musavat.com xəbər verir ki, hadisə 1-ci Zabrat adlanan ərazidə baş verib. 1961-ci il təvəllüdlü Mirzəyev Vaqif Əli oğlu sərnişin avtobusundan düşmək istəyib. O, müvazinətini itirib və yerə yıxılıb. Nəticədə sınıq xəsarətləri alan sərnişin yaxınlıqdakı 3 saylı Şəhər Kliniki Xəstəxanasına çatdırılıb.

İlkin məlumata görə, V.Mirzəyev sərxoş olub.