6 yaşlı uşağı avtomobillə vurub öldürən şəxsə hökm oxunub

Bu gün Bakı Ağır Cinayətlər Məhkəməsində ölümlə nəticələnən yol-nəqliyyat hadisəsi törətməkdə təqsirləndirilən Məlik Meybullayevin cinayət işi üzrə məhkəmə prosesi başa çatıb. Avtosfer.az-ın APA-ya istinadən xəbərinə görə, hakim İradə Həsənzadənin sədrliyi ilə keçirilən prosesdə hökm oxunub. Hökmə əsasən, M. Meybullayev 7 il müddətinə azadlıqdan məhrum edilib. Qeyd edək ki, hadisə bu il Bakının Binəqədi qəsəbəsində qeydə alınıb. M.Meybullayev idarə etdiyi avtomobillə piyada 6 yaşlı Turan Tahirlini vurub. Xəstəxanaya çatdırılan T.Tahirli 17 gündən sonra orda dünyasını dəyişib. T.Tahirlinin fiziki qüsurlu olduğu müəyyən edilib.