60 yaşlı qadın “07”nin qurbanı oldu - Sürücü qaçıb - FOTO

Bərdə rayonunun Qazqurdalı kəndində piyadanın ölümü ilə nəticələnən yol-nəqliyyat hadisəsi baş verib. Avtosfer.az report-a istinadən xəbər verir ki, hərəkətdə olan "VAZ-2107" markalı avtomobil yolu keçmək istəyən qadını vurub. Qəza nəticəsində 60 yaşlı rayon sakini Hüseynova Sona Əli qızı hadisə yerində ölüb. Bərdə Rayon Polis Şöbəsinin əməkdaşları hadisə yerində araşdırma aparırlar.

***

Hadisə şəhərin Zöhrabbəyov küçəsində baş verib. Kənd sakini 1955-ci il təvəllüdlü Sona Hüseyinova aldığı zərbənin təsirindən hadisə yerində keçinib. Ailəsindən APA-ya verilən məlumata görə, S.Hüseyinova qonşuluqda yeni yası düşmüş ailəyə bayramlaşmağa gedirmiş. Qapılarından yenicə aralaşan 60 yaşlı S.Hüseyinovanı naməlum avtomobil vuraraq qaçıb. Faktla bağlı Bərdə rayon Polis Şöbəsinin əməkdaşları araşdırma aparır. Rayon Polis Şöbəsində Cinayət Məcəlləsinin müvafiq maddəsi ilə cinayət işi başlanıb, araşdırma aparılır.