68 yaşlı kişini maşın vuraraq öldürdü - Oğuzda

Oğuzda ölümlə nəticələnən yol-nəqliyyat hadisəsi baş verib. Avtosfer.az-ın APA-ya istinadən məlumatına görə, iyulun 4-ü axşam saatlarında Oğuz rayon sakini Sultan Gülməmmədov idarə etdiyi “VAZ 21074” markalı, 48 BC 789 dövlət nömrə nişanlı avtomobillə şəhər ərazisində hərəkətdə olarkən yolu keçmək istəyən piyada, Oğuz şəhər sakini, 1949-cu il təvəllüdlü Vidadi Nüsrət oğlu Ağayevi vurub. Müxtəlif dərəcəli bədən xəsarətləri alan Vidadi Ağayev Oğuz Mərkəzi Rayon Xəstəxanasına (MRX) yerləşdirilib.

Xəstəxanadan bildirilib ki, Vidadi Ağayevə xəstəxanada lazımı tibbi yardım göstərildikdən sonra müayinə və müalicəsini davam etdirmək üçün Qəbələ MRX-a göndərilib. Lakin o, dünyasını dəyişib. Faktla bağlı Oğuz rayon Polis Şöbəsində araşdırma aparılır.