8-ci sinif şagirdini avtomobil vurub - Göyçayda

Göyçay rayonunda məktəbli oğlanı avtomobil vurub. Avtosfer.az-ın Trend-ə istinadən məlumatına görə, hadisə rayonun Qarabaqqal kəndi ərazisində baş verib. Kənd sakini, 2004-cü il təvəllüdlü Bəşirov Qüdrət Ədalət oğlunu yolu keçərkən avtomobil vurub. Q.Bəşirov xəstəxanaya yerləşdirilib və ona tibbi yardım göstərilib. Məlumata görə, Q.Bəşirov Qarabaqqal kənd orta məktəbinin 8-ci sinif şagirdidir və o, dərsdən gələrkən avtomobillə vurulub.