83 yaşlı kişini maşın vuraraq qaçdı - Yasamalda

Bakının Yasamal rayonunda piyadanı avtomobil vurub. Avtosfer.az-ın "Report"a istinadən xəbər verir ki, hadisə Yeni Yasamal, Bünyadzadə küçəsində qeydə alınıb. Həmin küçədə yolu keçmək istəyən 1934-cü il təvəllüdlü Bayramlı Cəlal Baba oğlunu avtomobil vuraraq qaçıb. Yaralı ətrafdakıların köməkliyi ilə xəstəxanaya aparılıb. Xəstənin vəziyyəti ağırdır. Hazırda sürücü Yasamal Rayon Polis İdarəsi əməkdaşları tərəfindən axtarılır.