ABŞ-da avtobus qəzaya uğrayıb - Yaralananlar var

ABŞ-ın Kaliforniya ştatında sərnişin avtobusunun iştirakı ilə yol qəzası baş verib. Avtosfer.az “qafqazinfo”ya istinadən xəbər verir ki, qəza Los-Anceles şəhərində qeydə alınıb. Yol kəsişmələrindən birində baş verən qəza zamanı sənişin avtobusu ilə yük avtomobili toqquşub. Daha sonra avtobus yolun kənarındakı binaya dəyib. Qəza nəticəsində 7 nəfər xəsarət alıb. Onlardan birinin vəziyyəti kritik olaraq qiymətləndirilir. İlkin ehtimala görə, qəzaya səbəb sürücülərdən birinin işıqforun qadağan olunmuş siqnalında yola davam etməsi olub. Hazırda faktla bağlı araşdırma aparılır.