ABŞ-da iki təyyarə toqquşdu - FOTO

ABŞ-ın Detroyt şəhərinin beynəlxaq hava limanında iki "Boeing-737" təyyarəsi uçuş zolağında toqquşub. Avtosfer.az anspress-ə istinadən xəbər verir ki, fövqəladə hadisə nəticəsində heç kim zərər görməyib. Bu barədə hava limanının nümayəndələri xəbər verib.

Hava limanının rəsmiləri uçuş zolağında toqquşan təyyarələrdən birinin "American Airlines" digərinin isə "Southwest Airlines" şirkətlərinə məxsus olduğunu bildirib.

Laynerlərdən birinin qanadı ikincinin isə quyruq hissəsi zədələnib. Təyyarələr daxili reysləri yerinə yetirirmiş.

Hadisə zamanı təyyarələrin göyərtəsində sərnişinlər olub. Qəza zamanı yanacaq sızması qeydə alınmayıb. Qəzanın səbəbi hələlik məlum deyil.

Analoji hadisə keçən il Rusiyanın Xabarovsk hava limanında baş verib. "Aeroflot" aviaşirkətinə məxsus Boeng 777 təyyarəsi eniş-uçuş zolağına daxil olarkən An- 26 təyyarəsi ilə toqquşub. İnsident zamanı heç kəs xəsarət almayıb.

Moskvaya uçuş həyata keçirməli olan təyyarənin göyərtəsində 400 sərnişinin olduğu bildirilir. Digər layner isə yük daşımaları üçün nəzərdə tutulub. Sərnişinlərin hadisədən 2 saat sonra digər təyyarə ilə Moskvaya göndərildiyi açıqlanıb.