ABŞ-da maşın kütləyə çırpıldı - 9 yaralı

ABŞ-ın Boston şəhərində avtomobil kütləyə çırpılıb. APA-nın RİA Novosti agentliyinə istinadən verdiyi xəbərə görə, hadisə nəticəsində azı 9 nəfər xəsarət alıb. Müxtəlif dərəcəli xəsarət alan yaralılar xəstəxanalara çatdırılıb. Hazırda polis hadisənin səbəblərini və sürücünün şəxsiyyətini müəyyənləşdirir. İlkin versiyaya görə, insident yol qəzası nəticəsində baş verib.