ABŞ-da təyyarə qəzasında, dörd nəfər ölüb

ABŞ-ın Aydaho ştatının şərqində yerləşən Bonnevill dairəsində yüngül motorlu təyyarə qəzaya uğrayıb. Avtosfer.az xarici mətbuata istinadən xəbər verir ki, qəza nəticəsində ikisi kişi, ikisi qadın olmaqla dörd nəfər həyatını itirib.

Təyyarə Vayominq ştatında yerləşən Alpayn şəhərindəki hava limanından qalxdıqdan bir neçə dəqiqə sonra qəzaya uğrayıb.

Qəzanın səbəbi hələlik müəyyən edilməyib. Yerli polis artıq istintaqa başlayıb.