ABŞ-də günün ikinci təyyarə qəzası - FOTO

ABŞ-nin Kaliforniya ştatında Santa Barbara hava limanı yaxınlığında kiçikmühərrikli təyyarə qəzaya uğrayıb.

Avtosfer.az “CBS News”a istinadən xəbər verir ki, qəza nəticəsində 2 nəfər ağır yaralanıb.

Xəsarət alanlar yaxınlıqdakı xəstəxanaya yerləşdirilib.

Qəzanın baş vermə səbəbi hələlik məlum deyil.

Xatırladaq ki, bu gün səhər saatlarında Vaşinqtonda Reyqan adına aeroportda təyyarə qəza baş verib. Yerə enməyə çalışan sərnişin təyyarəsi hərbi helikopterlə toqquşub. Təyyarənin göyərtəsində 64 nəfər olub, onlardan dördü ekipaj üzvüdür. Helikopterdə isə 3 hərbçinin olduğu məlumdur. Qəzadan sonra Potomak çayında axtarış-xilasetmə əməliyyatı başladılıb. “BNO News” portalının məlumatına görə, çaydan 19 nəfərin cəsədi aşkar olunaraq çıxarılıb.