ABŞ səfirliyinin əməkdaşı qəza törətdi

ABŞ-ın Azərbaycandakı səfirliyinin mühafizə xidmətinin əməkdaşı qəza törədib. Avtosfer.az “report”a istinadən xəbər verir ki, hadisə Azadlıq prospekti, 90 ünvanında baş verib.

Nefçala rayon sakini Əli Abdinovun idarə etdiyi ABŞ səfirliyinin mühafizə xidmətinə məxsus “Mitsubishi-Pajero” markalı avtomobillə Çingiz Nağıyevin idarə etdiyi “Hyundai Sonata” markalı avtomobil toqquşub. Qəza zamanı ciddi xəsarət alan olmayıb.

Faktla bağlı Nəsimi Rayon Polis İdarəsinin (RPİ) 21-ci Polis Bölməsində (PB) araşdırma aparılır.