Abşeronda yol qəzası nəticəsində iki nəfər xəsarət alıb – FOTO+VİDEO

Abşeronda iki nəfərin xəsarət alması ilə nəticələnən qəza baş verib. Avtosfer.az apa-ya istinadən xəbər verir ki, hadisə rayonun Fatmayi kəndində qeydə alınıb. "Nissan" və "Daewwo" markalı minik avtomobillərinin toqquşması nəticəsində hər iki maşının sürücüsü xəsarət alınıb. Hadisə yerinə təcili yardım çağırılıb. Yaralılar 1 saylı Şəhər Klinik Xəstəxanasına çatdırılıblar. Həkimlər yaralı Musa Elmirzəyev və Elnur Abbasovu müayinə etdikdən sonra onlar reanimasiya şöbəsinə yerləşdiriliblər.

Hadisə yerinə araşdırma aparan polis əməkdaşlarının bildirdiyinə görə, ehtimal olunur ki, qəzaya "Nissan" markalı avtomobilin sürücüsünün kobud qayda pozuntusu səbəb olub.

Faktla bağlı araşdırmalar davam etdirilir.