Aeroport yolunda 16 yaşlı oğlanı maşın vurub

Hava limanına gedən yolun Suraxanı rayonu ərazisinə düşən hissəsində piyadanın vurulması ilə nəticələnən yol qəzası baş verib. Avtosfer.az "Report"a istinadən xəbər verir ki, 2001-ci il təvəllüdlü Kazımov Emin Polad oğlu yolun Bülbülə qəsəbəsinə ayrılan hissəsində yerüstü piyada keçidindən istifadə etmədən qarşı tərəfə keçərkən onu maşın vurub. Yaralı ağır vəziyyətdə 3 saylı Kliniki Tibbi Mərkəzə çatdırılıb. Sürücü Suraxanı Rayon Polis İdarəsinin əməkdaşları tərəfindən saxlanılıb.