Aeroport yolunda 3 nəqliyyat vasitəsi toqquşdu - VİDEO

Bakıda avtobusun iştirakı ilə yol-nəqliyyat hadisəsi baş verib.  Avtosfer.az-ın məlumatına görə, Bakı Şəhər Dövlət Yol Polisi İdarəsinin (BŞDYPİ) bölmə rəisi, polis kapitanı Toğrul Nəsirli Oxu.az-a bildirib ki, hadisə bu gün saat 11:57-də paytaxtın Suraxanı rayonu, hava limanı istiqamətində qeydə alınıb.

Belə ki, "İsuzu" markalı sərnişin avtobusu, "Mercedes-Benz" və BYD markalı avtomobillər toqquşub. Faktla bağlı araşdırma aparılır.

***

Bakıda, Hava limanı yolunda yol-nəqliyyat hadisəsi baş verib. Avtosfer.az Oxu.az-a istinadən xəbər verir ki, qəza zamanı "Mercedes-Benz" və BYD markalı avtomobillər toqquşub. Nəticədə "Mercedes-Benz" markalı avtomobilə ciddi ziyan dəyib. Qəzada xəsarət alanların olub-olmadığı hələ ki, məlum deyil.

Qeyd edək ki, yol-nəqliyyat hadisəsi ilə bağlı Bakı Şəhər Dövlət Yol Polisi İdarəsinə (BŞDYPİ) sorğu ünvanlanıb.