Aeroport yolunda ağır qəza: 2 maşın mobil xəbərdarlıq nişanına çırpıldı - VİDEO

Paytaxt ərazisində qeyri-adi qəza hadisəsi baş verib.

Avtosfer.az xəbər verir ki, Bakıda Aeroport yolunun şəhərə doğru olan istiqamətində dəhşətli ağır yol-nəqliyyat hadisəsi baş verib. Bu barədə yol hərəkəti təhlükəsizli üzrə ekspert, təlimçi Arzu Kürsüm Babazadə saytımıza məlumat verib. O, rastlaşdığı hadisənin videosunu çəkərək redaksiyamızın hesabına göndərib.

Təlimçi qeyd edib ki, yoldakı dəmir məhəccərləri təmizləmək üçün əraziyə gətirilən su maşınının arxasına mobil xəbərdarlıq nişan lövhəsi qoyulub. Buna baxmayaraq, 2 avtomobil necəsə bu xəbərdarlıq nişanına çırpılıb. Nəticədə, nişan aşıb, hər iki avtomobilə ciddi ziyan dəyib. Hadisə ilə bağlı detallı məlumat hələ ki, yoxdur.

Arzu Kürsüm Babazadə vurğulayıb ki, hadisəyə görə Aeroport yolunun məhz həmin hissəsində uzunmüddətli tıxac yaranıb.

Səfər