Aeroport yolunda ağır qəza: ölən var

Bakıda daha bir ölümlə nəticələnən yol qəzası baş verib. Avtosfer.az Lent.az-a istinadən xəbər verir ki, dünən saat 18 radələrində Heydər Əliyev prospektinin Bülbülədən keçən hissəsində (Aeroport yolu) "Hyundai" markalı, 99 GM 354 dövlət qeydiyyat nişanlı avtomobil 36 yaşlı kişini vurub. Ağır xəsarət alan piyada hadisə yerində keçinib. Faktla bağlı Suraxanı rayon Polis İdarəsində cinayət işi açılıb, araşdırma aparılır.