Aeroport yolunda “Audi” piyadanı vuraraq öldürüb - FOTO + VİDEO

Aeroport yolunda piyadanı vuraraq öldürən sürücü müəyyənləşdirilib. Avtosfer.az-ın "Report"a istinadən məlumatına görə, həmin şəxs Tarverdizadə Ziya Fərmayıl oğludur. O, Sabunçu Rayon Polis İdarəsinin əməkdaşları tərəfindən saxlanılıb. Z.Tarverdizadənin idarə etdiyi “Audi” markalı avtomobil isə "cərimə meydançası"na aparılıb.

*** saat 01:20

Bakıda piyadanın ölümü ilə nəticələnən yol qəzası baş verib. Hadisə aeroport yolunun Sabunçu rayonu ərazisinə düşən hissəsində qeydə alınıb. “Audi” markalı "99-HL-277" dövlət qeydiyyat nişanlı avtomobil yolu keçmək istəyən Masallı rayon sakini, 1987-ci il təvəllüdlü Fərzəliyev Samit Qulam oğlunu vurub. Piyada hadisə yerində keçinib. Əraziyə Yol və Polis patrul xidmətlərinin əməkdaşları cəlb olunub. Faktla bağlı araşdırma aparılır.