Aeroport yolunda maşın yandı - FOTO

Bakının Xəzər rayonunda yanğın hadisəsi baş verib. Avtosfer.az apa-ya istinadən məlumatına görə, hərəkətdə olan avtomobil yanıb. Hadisə aeroport yolunda qeydə alınıb.  Mərdəkan qəsəbəsi istiqamətində hərəkətdə olan "Mercedes" markalı avtomobilin mühərrik hissəsində qısaqapanma baş verib.  Mühərrik tüstüləməyə başlayıb.  Bunu görən sürücü dərhal avtomobili saxlayıb. Tüstülənən avtomobil alovlanıb. Hadisə yerinə yanğınsöndürənlər çağırılıb.  Yanan avtomobil söndürülüb.  Avtomobilin mühərrik hissəsi tamamilə yansa da digər hissələr yanğından mühafizə olunub.

Faktla əlaqədar araşdırmalar aparılır.