Aeroport yolunda zəncirvari qəza - 2 nəfər yüngül xəsarət alıb

Bu gün saat 10:30 radələrində Aeroport şossesinin Binə qəsəbəsi yaxınlığından keçən hissəsində, Zığ yoluna dönən körpüdə zəncirvari qəza baş verib. Avtosfer.az xəbər verir ki, bu barədə  lent.az-ın hadisə yerində olan əməkdaşının verdiyi məlumata görə, Bakı Şəhər Dövlət Yol Polisi İdarəsinə məxsus 90 YP 521 dövlət nömrə nişanlı "BMW" ilə vətəndaşlara məxsus olan "Mitsubishi Pajero", "QazEl" və "Bakı Taksi" MMC-yə məxsus olan "TX4" markalı avtomobillər toqquşub. Nəticədə nəqliyyat vasitələrinin hamısına ciddi ziyan dəyib, 2 nəfər yüngül xəsarət alıb.

Faktla bağlı araşdırma aparılır.