Ağ Şəhərdə qəza: “Mercedes” və “BYD” toqquşdu - VİDEO

Paytaxtın Xətai rayonu, Ağ Şəhər ərazisində yol-nəqliyyat hadisəsi baş verib.

Avtosfer.az xəbər verir ki, qəza oktyabrın 6-da axşam saatlarında qeydə alınıb.

Belə ki, 99-QH-594 dövlət qeydiyyat nişanlı “BYD” markalı avtomobil “Mercedes” markalı nəqliyyat vasitəsi ilə toqquşub. İlkin məlumata görə, qəzaya yolayrıcını keçmə qaydasının pozulması səbəb olub.

Hadisə nəticəsində xəsarət alan olmasa da, avtomobillərə ciddi maddi ziyan dəyib.

Qəzadan sonra ərazidə nəqliyyatın hərəkətində sıxlıq yaranıb.

Faktla bağlı araşdırma aparılır.

Nərmin