Ağcabədidə iki avtomobil toqquşdu - 3 yaşlı uşaq da xəsarət aldı - FOTO

Ağcabədidə iki minik avtomobili toqquşub.

Avtosfer.az qafqazinfo-ya istinadən xəbər verir ki, hadisə şəhər ərazisində qeydə alınıb.

İlkin məlumata görə, 1988-ci il təvəllüdlü Elvin Əliyevin idarə etdiyi VAZ-21011 markalı avtomobil hərəkətdə olarkən 1992-ci il təvəllüdlü Cavid Əfqanlıya məxsus VAZ-2106 markalı avtomobillə toqquşub.

Qəza nəticəsində hər iki sürücü, eləcə də VAZ-2106 markalı avtomobildə olan 3 yaşlı uşaq ağır xəsarətlər alıb. Onlar Ağcabədi Rayon Mərkəzi Xəstəxanasına çatdırılıb.

Faktla bağlı araşdırma aparılır.