Ağcabədidə iki avtomobil toqquşdu: Sürücülərdən biri öldü

Ağcabədidə yol-nəqliyyat hadisəsi baş verib.

Avtosfer.az apa-ya istinadən xəbər verir ki, hadisə dünən axşam saatlarında Ağcabədi-Zərdab yolunun 14-cü kilometrliyində baş verib.

Belə ki, Elmidar Ələsgərovun idarə etdiyi VAZ-2107 markalı avtomobillə Təvəkkül Əsədovun idarə etdiyi "Mercedes-Benz" markalı maşın toqquşub.

Hadisə nəticəsində Elmidar Ələsgərov, sərnişinlər Zamiq Ələsgərov və Dayandur Nəsibov xəsarət alıblar. Digər sürücü Təvəkkül Əsədov xəstəxanaya çatdırılsa da, onun həyatını xilas etmək mümkün olmayıb.

Faktla bağlı araşdırma başlanılıb.