Ağcabədidə “Mercedes” ağaca çırpıldı: 2 yaralı

Ağcabədidə 2 nəfərin xəsarət alması ilə nəticələnən yol qəzası baş verib. Hadisə rayonun Şərəfxanlı kəndi ərazisində qeydə alınıb. Ağdam rayon sakini Həsənov Ceyhun Mirzə oğluna məxsus “Mercedes” markalı minik maşını hərəkətdə olarkən idarəetməni itirərək yol kənarındakı ağaca çırpılıb. Nəticədə maşında olan sürücü C. Həsənov və sərnişini  Salyan rayon sakini Hüseynov Cavad Afət oğlu müxtəlif bədən xəsarətləri alıb.  Yaralılar Ağdam Mərkəzi Rayon Xəstəxanasına çatdırılıb, vəziyyətləri orta ağır qiymətləndirilir.

Faktla bağlı araşdırma aparılır.

APA