Ağcabədidə qəza: “VAZ”la “Mercedes” toqquşdu, bir nəfər yaralandı - VİDEO

Ağcabədi rayonu, Hacıbədəlli kəndində yol-nəqliyyat hadisəsi baş verib.

Avtosfer.az-ın məlumatına görə, qəza noyabrın 24-də səhər saatlarında qeydə alınıb. Belə ki, hərəkətdə olan 10-NS-199 dövlət nömrə nişanlı “VAZ-2107” markalı maşın, 99-XP-855 dövlət nömrə nişanlı “Mercedes” markalı avtomobillə toqquşub. Hadisə nəticəsində hər iki nəqliyyat vasitəsinə maddi ziyan dəyib, “VAZ”da olan sərnişin yüngül bədən xəsarətləri alıb.

Qeyd edək ki, əraziyə təcili tibbi yardım briqadası və polis əməkdaşları cəlb olunub.

Faktla bağlı araşdırma aparılır. 

Nərmin